ممبئی میں بھارتی حکومت نے اذان دینے پر پابندی عائد کردی، ممبئی کے پولیس کمشنر دیون بھارتی نے بھارتی میڈیا کو بتایا کہ ممبئی میں ہم نے مذہبی مقامات سے لگ بھگ 1 ہزار 500 لاؤڈ اسپیکرز ہٹا دیے ہیں اور پولیس اس بات کو بھی یقینی بنائے گی کہ ایسے لاؤڈ اسپیکر دوبارہ نہ لگائے جائیں۔
ان کا مزید کہنا تھا کہ لاؤڈ اسپکرز پر پابندی عائد ہونے کے بعد اب صرف مذہبی تہواروں کے دوران لاؤڈ اسپیکرز کے استعمال کی عارضی اجازت دی جائے گی۔ یاد رہے کہ یہ کارروائی رواں سال جنوری میں ممبئی ہائی کورٹ کے حکم پر کی گئی ہے۔ عدالت نے یہ حکم نامہ 2 ہاؤسنگ ایسوسی ایشنز کی درخواست پر جاری کیا تھا۔