پاکستان اسٹاک ایکسچینج میں آج کاروباری ہفتے کے پہلے روز منفی آغاز ہوا ہے۔
کاروبار کے دوران 100 انڈیکس میں 6 ہزار 250 سے زائد پوانٹس کی کمی دیکھی گئی جس کے بعد عارضی طور پر کاروبار کو روک دیا گیا۔
پاکستان اسٹاک ایکسچینج میں کاروبار کا دوبارہ آغاز ہونے کے بعد بھی گراوٹ برقرار رہی اور 100 انڈیکس 8 ہزار 544 پوائنٹس کم ہو کر 1 لاکھ 10 ہزار 199 پر آ گیا تھا۔
بازارِ حصص کا 100 انڈیکس اس وقت 3 ہزار 762 پوائنٹس کی کمی کے بعد 1 لاکھ 15 ہزار 28 پر آ گیا۔
گزشتہ کاروباری ہفتے کے آخری روز انڈیکس 1 لاکھ 18 ہزار 791 پوائنٹس پر بند ہوا تھا۔
دوسری جانب جاپان کا نکئی انڈیکس 9 فیصد نیچے آیاہے، ہانگ کانگ کے ہینگ سینگ میں 8 فیصد گراوٹ ہوئی ہے اور جنوبی کوریا میں شدید مندی کے خدشات پر ٹریڈنگ عارضی طور پر روک دی گئی۔
ادھر سعودی اسٹاک مارکیٹ میں 500 ارب ریال کا نقصان ہوا ہے۔