مذکورہ آفیسر نے خرد برد کی گئی رقم ادارے کے اکاؤنٹ میں جمع کرا دی
کراچی کے قومی ادارہ برائے امراض قلب میں کرپشن کا نیا انکشاف ہوا ہے، لاکھوں روپے کی خرد برد اور کرپشن پر چیف فنانشل افسر فیصل عبدالستار کو عہدے سے ہٹا دیا گیا۔
ادارے کے چیف فائننشل آفیسر فیصل عبدالستار پر لاکھوں روپے کی خرد برد کا الزام ثابت ہو گیا ہے۔
انتظامیہ نے ابتدائی طور پر کرپشن کے الزامات کی تحقیقات کے لیے ایک انکوائری کمیٹی قائم کی تھی، کمیٹی کی رپورٹ میں چیف فنانشل آفیسر کو ذمہ دار قرار دیا گیا۔
کمیٹی نے فنانس میں لاکھوں روپے کرپشن کی تصدیق کی۔
مذکورہ آفیسر نے خرد برد کی گئی رقم ادارے کے اکاؤنٹ میں جمع کرا دی، بھاری رقم این ائی سی وی ڈی کے اکاؤنٹ میں جمع کرکے فیصل عبدالستار نے اپنے عہدے سے استعفیٰ دے دیا۔