دشمن قوتوں کے ذریعے پھیلائے جانے والے منفی پرو پیگنڈے کو سمجھنا اور اس سے بچنا وقت کی اہم ضرورت ہے, کور کمانڈر
دشمن ففتھ جنریشن وار فئیر کے ذریعے ایک جھوٹا پراپیگنڈا کرتا ہے, طلبہ
کراچی (رپورٹ:کامران شیخ)
کراچی کے مختلف تعلیمی اداروں کے طلبہ و فیکیلٹی ممبران نے ملیر گیریژن میں پاک فوج کے ساتھ یادگار دن منایا,دن کے آغاز میں طلبہ کا استقبال کیا گیا اور پاک فوج کی طرف سے لگائے گئے جدید اسلحہ کا معائنہ کروایا گیا۔طلبہ نے بکتر شکن گاڑی کی سواری کی اور ایس ایم جی و پسٹل سے فائرنگ کی اور لطف اندوز ہوئے ۔طلبہ نے فوجی جوانوں کی جنگ کے دوران مختلف رکاوٹوں کو عبور کرنے کی مشقوں کا بھی جائزہ لیا, طلبہ نے کہا کہ ہمیں جدید قسم کے جنگی اسلحہ کو قریب سے دیکھنے کا موقع ملا اور جنگی مشقوں کے دوران فوجی جوانوں کا رکاوٹوں کو مہارت سے عبور کرنا ہمارے لیے قابل ستائش تھا,بعد ازاں طلبہ اور فیکلٹی ممبران سے کور کمانڈر کراچی نے تفصیلی ملاقات کی
کور کمانڈر سے بات چیت کا ایک طویل سیشن جاری رہا اور معنی خیز جوابات پر طلبہ نے اطمینان کا اظہار کیا ,انہوں نے طلباء کی حوصلہ افزائی کی کہ وہ اپنی تجزیاتی صلاحیتوں کو سچائی اور جھوٹ کو پہچاننے کے لیے استعمال کر رہے ہیں ,کور کمانڈر کا کہنا تھا کہ دشمن قوتوں کے ذریعے پھیلائے جانے والے منفی پروپیگنڈے کو سمجھنا اور اس سے بچنا وقت کی اہم ضرورت ہے
طلبہ نے کہا کہ آج کا یہ دن بہت خوش آئند تھا اور ہمیں بہت سی باتیں سیکھنے کو ملیں،ہمیں آج اندازہ ہوا کہ کس طرح دشمن ففتھ جنریشن وارفیئر کے ذریعے ایک جھوٹا پراپیگنڈا کرتا ہے اور کس طرح ہمیں اس سے مقابلہ کرنا ہے، طلبہ نے کہا کہ ہمیں لائیو فائرنگ کرنے کا موقع فراہم کیا گیا اور شر پسند عناصر کے خلاف کارروائی کا ڈیمو بھی دکھایا گیا، ہم نے پاک فوج کے زیر استعمال مختلف ہتھیاروں کو دیکھا اور بکتر شکن گاڑیوں اور ٹینکوں پر سواری بھی کی,پاک فوج کے ساتھ اس یادگار دن اور کور کمانڈر کے ساتھ پر تپاک انٹریکٹو سیشن کے اختتام پر طلباء و اساتذہ نے کور کمانڈر کراچی کا شکریہ ادا کیا اور پاک فوج کے ساتھ اظہار جانثاری و یکجہتی کیا