اداکارہ کی ویڈیو سوشل میڈیا پر وائرل
پاکستانی اداکارہ ہانیہ عامر کے سنڈریلا لُک نے سوشل میڈیا صارفین کے دل جیت لیے۔
اس بات سے تو سب ہی واقف ہیں کہ پاکستانی اداکارہ ہانیہ عامر کے چاہنے والے صرف پاکستان تک ہی محدود نہیں بلکہ ایک بڑی تعداد میں انکے فینز بھارت میں بھی بستے ہیں۔
کیونکہ گلوبل اسٹار ہانیہ عامر نہ صرف پاکستان بلکہ بھارت میں بھی بے حد پسند کی جاتی ہیں اور اکثر بھارتی سوشل میڈیا صارفین ہانیہ عامر سے ملنے کی خواہش کا اظہار کرتے بھی دکھتے ہیں۔
ہانیہ عامر نے سال 2016 میں فلم ’جاناں‘ سے اداکاری کی دنیا میں قدم رکھا اور پھر ڈراما انڈسٹری میں ’تتلی‘ سے ڈیبیو دیا جس کے بعد وہ یکے بعد دیگرے ایسے ڈرامے کرتی چلی گئیں جو انکی مقبولیت میں حیران کن اضافے کی وجہ بن گئے۔
ہانیہ عامر کے مقبولیت کے آسمان چھونے والے ڈراموں میں ’میرے ہمسفر‘ ، ’ عشقیہ‘ ’مجھے پیار ہوا تھا’ شامل ہیں تاہم ان دنوں انہیں ڈراما سیریل ’کبھی میں کبھی تم‘ میں شرجینا کے کردار سے بے انتہا محبت اور سپورٹ مل رہی ہے۔
ڈراما اب جبکہ اپنی آخری قسط کے بعد ہمیشہ کیلئے الوداع کہہ جائیگا گا وہیں فینز شرجینا اور مصطفیٰ کی ہیپی اینڈنگ کی خواہش دل میں لیے انتظار کے لمحات کاٹ رہے ہیں۔
ایسے میں اداکارہ نے لوگوں کو انٹرٹینٹ کرنے کیلئے سوشل میڈیا پر ایک ویڈیو اپلوڈ کی جس میں انکا سنڈریلا لُک فینز کو جھومنے پر مجبور کرگیا۔
’پرواز ہے جنون’ کی اداکارہ ہانیہ عامر مذکورہ پوسٹ میں نیلے باڈی کون ڈریس اور گلَوز پہنے حسن کو دو آتشہ کرتی نظر آرہی ہیں جبکہ کیمرے کے سامنے ایک حقیقی شہزادی کی طرح پوز دے کر سب کی تعریفوں کا محور بھی بن گئیں۔
ویڈیو سوشل میڈیا پر وائرل ہوتے ہی مداحوں کی جانب سے کمنٹ سیکشن میں تعریفوں کے انبار لگ گئے۔
ایک مداح نے لکھا، ’کبھی باربی، کبھی سنڈریلا۔’
ایک اور صارف نے لکھا کہ، ’اتنا خوابناک!’
ایک اور صارف کا کہنا تھا کہ،’ایسی کہانی ہونی چاہیے جس کا نام ہو خوبصورت ہانیہ۔’
ایک اور صارف نے لکھا کہ،’ڈزنی حقیقت میں آ گیا۔’