پہلے مرحلے میں ایل ای ڈی پینلز کو علیحدہ کرکے اسے اتارا جارہا ہے، رپورٹس
نیشنل اسٹیڈیم کراچی میں فینز کو ویو بلاک کرنیوالی بڑی الیکٹرانک اسکرین کو ہٹانے کا کام شروع کردیا گیا۔
اسٹیڈیم میں ترقیاتی کاموں کے باعث یورنیورسٹی روڈ اینڈ کی جانب واقع انتخاب عالم انکلوژر سے ویو بلاک کرنے والی بڑی اسکرین کو ہٹایا جارہا ہے۔
اسکرین کو ہٹانے کیلئے پہلے مرحلے میں ایل ای ڈی پینلز کو علیحدہ کرکے اسے اتارا جارہا ہے، بعدازاں بقیہ اسٹرکچر اتارا جائے گا۔
دوسری جانب وقار حسن انکلوژر کے سامنے موجود چھوٹی اسکرین کا اسٹرکچر بھی ہٹادیا گیا ہے۔
چیئرمین پاکستان کرکٹ بورڈ (پی سی بی) محسن نقوی نے حالیہ دورہ نیشنل اسٹیڈیم میں اسکرین کی جگہ تبدیل کرنےکی ہدایت کی تھی۔
واضح رہے کہ آئی سی سی چیمپئینز ٹرافی کے باعث راولپنڈی، لاہور اور کراچی کے نیشنل اسٹیڈیمز میں تعمیرات کا کام جاری ہے۔