پانی سے متاثرہ عوام کے لیے ایک اور بری خبر, حب پمپنگ اسٹیشن پر بجلی کا بڑا بریک ڈاون
بریک ڈاون کے باعث 66 انچ ایم ایس کی رائزنگ مین متاثر ہوگئی
متاثرہ لائن کی بحالی کاکام ہنگامی بنیادوں پر مکمل کیاجائے, سی ای او واٹر کارپوریشن کی سخت ہدایت
کراچی(رپورٹ:کامران شیخ) کے الیکٹرک کا قہر کراچی کے شہریوں کے لیے مزید وبال جان بن گیا, حب پمپنگ اسٹیشن پر کے الیکٹرک کی جانب سے بجلی کا اچانک بریک ڈاؤن ہوگیا,بریک ڈاؤن کے باعث 66 انچ ایم ایس کی رائزنگ مین متاثر ہوگئی۔ ترجمان واٹر کارپوریشن کے مطابق اطلاع ملنے پر واٹر کارپوریشن حکام نے موقع پر پہنچ کر متاثرہ لائن کا معائنہ کیا۔ ترجمان کے مطابق متاثرہ لائن کی بحالی کا کام ہنگامی بنیادوں پر مکمل کیا جائے۔ سی او او واٹر کارپوریشن انجینئر اسداللہ خان نے سخت ہدایت جاری کردی, ترجمان واٹر کارپوریشن کے مطابق شہر کو دھابیجی پمپنگ اسٹیشن سے معمول کے مطابق پانی کی فراہمی جاری ہے۔ حب پمپنگ سے شہر کو پانی کی فراہمی عارضی طور پر معطل رہے گی۔ شہر کو ٹوٹل 650 ایم جی ڈی پانی فراہم کیا جاتا ہے جس میں سے 80 ایم جی ڈی پانی کی کمی کا سامنا ہوگا,متاثرہ لائن کی مرمت تک واٹر کارپوریشن کے کرش پلانٹ ون اور کرش پلانٹ ٹو ہائیڈرنٹس عارضی طور پر بند رہیں گے,کرش پلانٹ ون اور کرش پلانٹ ہائیڈرنٹس پر آن لائن ٹینکرز سروس بھی معطل رہے گی,چیف انجینئر واٹر کارپوریشن کے مطابق متاثرہ لائن کا مرمتی کام اگلے 24 گھنٹوں میں مکمل کیا جائے گا۔ لائن متاثر ہونے کے باعث ضلع غربی اور ضلع کیماڑی کے کچھ علاقے متاثر ہونگے۔ چیف انجینئر کے مطابق شہریوں سے التماس ہے کہ پانی کا ذخیرہ کریں اور اسے احتیاط سے استعمال کریں تاکہ کسی بھی پریشانی سے بچا جا سکے۔