کراچی میں شدید گرمی کب تک رہے گی اور اسکی وجہ کیا ہے؟

کراچی میں آئندہ 10 دنوں تک موسم گرم رہنے کا امکان ہے۔

محکمہ موسمیات کے مطابق  کراچی کا کم سے کم درجہ حرارت 26.5 ڈگری سینٹی گریڈ ریکارڈ کیا گیا جب کہ آئندہ 24 گھنٹوں میں شہر کا زیادہ سے زیادہ درجہ حرارت 38 سے 40 ڈگری سینٹی گریڈ رہنے کا امکان ہے۔

محکمہ موسمیات کا بتانا ہے کہ ہوا میں نمی کا تناسب47 فیصد ہے اور شہرِ قائد میں ہوائیں 6 کلو میٹر فی گھنٹہ کی رفتار  سے چل رہی ہیں۔

کراچی میں آئندہ 7 سے 10 دن کے دوران موسم گرم رہے گا: موسمیاتی تجزیہ کار

دوسری جانب موسمیاتی تجزیہ کار کے مطابق کراچی میں آئندہ 10 دن تک موسم گرم رہے گا اور  درجہ حرارت 36 سے 38 ڈگری سینٹی گریڈ کے درمیان بڑھنے کا امکان ہے۔