مسلم لیگ (ن) کی سینئر نائب صدر اور چیف آرگنائزر مریم نواز نے کہا ہے کہ نواز شریف اپنی مٹی اور اپنے لوگوں میں واپس آگئے، مسلم لیگ کے شیروں کے لیے مینار پاکستان چھوٹا پڑگیا، جو کہتے تھے نواز شریف کی سیاست ختم ہوگئی، وہ گھر میں اسکرین پر نواز شریف کی شان دیکھ رہے ہوں گے۔
مینارپاکستان پر جلسے سے خطاب کرتے ہوئے ن لیگ کی چیف آرگنائزر مریم نواز نے کہا کہ نوازشریف کا استقبال کرنے والوں کا شکریہ ادا کرتی ہوں، نوازشریف زندہ مثال ہے، یہاں پورے ملک کے کارکنان موجود ہیں۔
مریم نواز کا کہنا تھا کہ نوازشریف اپنی مٹی اور اپنے لوگوں میں واپس آگئے، جو کہتے تھے نواز شریف کی سیاست ختم ہوگئی، وہ گھر میں اسکرین پر نواز شریف کی شان دیکھ رہے ہوں گے، نوازشریف کو مٹانے والے کتنے آئے اور کتنے چلے گئے، جسے اللہ عزت دینا چاہے تو کوئی نہیں روک سکتا, وتعزمن تشا وتعزمن تشا۔
انہوں نے مزید کہا کہ مسلم لیگ کے شیروں کے لیے مینار پاکستان چھوٹا پڑگیا، میں سمجھتی تھی مینار پاکستان بہت بڑی جگہ ہے، آج مینار پاکستان میں سندھ، بلوچستان، خیبرپختونخوا، پنجاب اور گلگت بلتستان موجود ہے۔