ایس آئی یو کی گرفتار دہشت گردوں کی نشاندہی پر سائٹ میٹروول میں چھاپہ مارکارروائی
دہشت گرد جہانزیب اور محسن افغانستان سے تاجروں کو دھمکی دلوا کر بھتہ طلب کرتے تھے، ایس آئی یو
بھتہ خوروں کو گزشتہ دنوں گرفتار کیے جانے والے کمال خان اور عبدالقادر کی نشاندہی پر گرفتارکیا گیا ہے
جہانزیب افغانستان میں موجود TTP کے اہم کمانڈر سید ولی کا بھانجا ہے جوتاجروں کو فون پر دھمکیاں دیتا ہے
کراچی (کرائم رپورٹر)ایس اائی یو نے افغانستان سے تاجروں کو دھمکی دے بھتہ طلب کرنیوالے تحریک طالبان کے دو دہشت گردوں کو میٹروول، سائیٹ ایریا سے گرفتار کرلیا ملزمان کوکالعدم تنظٰیم کے کارندوں کی نشاندہی پر کارروائی کرتے ہوئے گرفتار کیا ہے۔ ایس ایس پی جنید شیخ کے مطابق اایس آئی یو / سی آئی اے نے چند روز قبل قتل اور بھتہ خوری میں ملوث تحریک طالبان پاکستان (TTP) کے دو دہشتگرد محمد کمال خان اور عبد القادر کو گرفتار کیا تھا۔ گرفتار ملزمان نے دوسروں دہشتگرد / بھتہ خور کی کراچی میں موجودگی کی نشاندھی کی تھی جس پر کاروائی کرتے ہوئے ایس آئی یو نے میٹروول، سائیٹ ایریا سے ملزم جہانزیب ولد عبد الباریاور محسن کو گرفتار کر لیا۔ ملزم جہانزیب افغانستان میں موجود TTP کے اہم کمانڈر سید ولی کا بھانجا ہے۔ سید ولی افغانستان سے کراچی میں موجود تاجروں، ڈاکٹروں اور دیگر افراد سے بذریعہ واٹس ایپ بھتہ طلب کرتا ہے اور اس کا بھانجا جہانزیب اپنے دیگر ساتھیوں کے ہمراہ سید ولی کی ایما پر بھتہ وصول کرتا ہے۔ ملزم جہانزیب نے اپنے ساتھی ملزمان محمد کمال خان، عبد القادر اور عبد الماجد کے ساتھ مل کر بھتہ نہ دینے پر بنارس میں قیوم گوشت والے کو قتل کیا تھا جس کا مقدمہ الزام نمبر 20/2023جرم دفعہ 384/385/302 ت پ 7ATA r/w تھانہ پیرآباد کراچی میں درج ہے۔ ملزم جہانزیب کو اس مقدمہ میں حسب ضابطہ گرفتار کیا گیا ہے۔ گرفتار ملزم نے ابتدائی تفتیش میں اپنے ماموں سید ولی کے کہنے پر رواں سال کراچی میں تاجروں، ڈاکٹروں و دیگر افراد سے بھتہ طلبی کے انکشافات کیے ہیں۔ ملزمان سے مزید تفتیش جاری ہے اور مزید انکشافات کی توقع ہے