گل مہر کا سحری دسترخوان، گورنر سندھ کی شرکت

مال اور دولت تو انسان ساری عمر کماتا ہے، کچھ کام انسانیت کی فلاح و بہبود کیلئے کیلئے بھی کرنے چاہیےں کیپٹن ندیم خان

جے ڈی سی دسترخوان پر 3 روزہ سحری کے آخری دن خصوصی انتظام،گورنر کو کیپٹن ندیم نے سونے کا تمغہ پہنایا، پلاٹ گفٹ کیا

گورنر سندھ کے ہاتھوں کروڑوں روپے کے پلاٹوں کی قرعہ اندازی، کامران ٹیسوری نے تین خوش نصیبوں کے نام کا اعلان کیا

ہم سب کا فرض ہے کہ ہم سب اپنی دسترس کے مطابق ایک دوسرے کی مدد کریں ،چیف ایگزیکٹو گل مہر عاطف باری کا اظہارخیال

کراچی (رپورٹ احسن افتخار)گل مہر کے تعاون سے جے ڈی سی دسترخوان پر 3 روزہ سحری کے آخری دن "اٹھارویں سحری” پر گورنر سندھ کامران خان ٹیسوری نے شرکت کی۔ اس موقع پر چئیرمین گل مہر کیپٹن ندیم خان کا کہنا تھا کہ اس وقت پاکستان میں ہر چیز کی قیمتیں آسمان سے باتیں کرتی نظر آتی ہیں اور ایک متوسط طبقے کے لیے اپنے گھر کا حصول انتہائی مشکل کام ہے اور ہم نے اسی بات کو مدنظر رکھتے ہوئے بہت ہی کم قیمت پر پلاٹ دینے کا فیصلہ کیا تاکہ متوسط طبقہ خوشحال ہوسکے مال اور دولت تو انسان ساری عمر کماتا ہے مگر کچھ کام انسانیت کی فلاح و بہبود کیلئے اور اپنی آخرت کے لئے بھی کرنے چاہیے کیپٹن ندیم خان نے گورنر کامران خان ٹیسوری کی آمد کا شکریہ ادا کیا اور کروڑوں روپے کی مالیت کے پلاٹوں کی قرعہ اندازی گورنر سندھ کامران خان ٹیسوری نے عوام کے سامنے 3 خوش نصیب لوگوں کی پرچیاں نکال کر کی اور ان کو گل مہر کی جانب سے پلاٹ ملنے پر مبارک باد دی۔ اس موقع پر گل مہر کی جانب سے عوامی خدمت پر کیپٹن ندیم خان نے گورنر کامران خان ٹیسوری کو سونے کا تمغہ پہنایا اور گل مہر گرین سٹی میں ایک پلاٹ بھی گفٹ دیا۔ گورنر کامران خان ٹیسوری نے گل مہر کی تمام ٹیم کا شکریہ ادا کیا اور گفٹ دیا ہوا پلاٹ لوگوں میں بیٹھے ایک نابینا شخص کو گفٹ کردیا۔ گورنر سندھ نے جے ڈی سی کے ظفر عباس کے کاموں کو سراہتے ہوئے کہا کہ جے ڈی سی بلا تفریق انسانیت کی جو خدمت کر رہی ہے اس کی مثال ملنا بہت کم ہے اور کہا کہ میں جے ڈی سی کے ساتھ کھڑا ہوں اور جب میری ضرورت ہو میں جے ڈی سی کیلئے کارکن کی حیثیت سے عوام کی خدمت کرنے کو ہر وقت تیار ہوں۔گل مہر کے چیف ایگزیکٹو عاطف باری نے جے ڈی سی کے کارکنان اور ظفر عباس کا شکریہ ادا کیا اور کہا کہ ہم سب کا فرض ہے کہ ہم سب اپنی دسترس کے مطابق ایک دوسرے کی مدد کریں اور تہیہ کریں کہ ایک دوسرے کی سفید پوشی کا بھرم برقرار رکھنے کیلئے ایک دوسرے کے مددگار بنیں گے انہوں نے دعا کی کہ اللہ تعالی ہمارے ملک اور اس کے عوام پر اپنا خاص فضل وکرم فرمائے

گل مہر کی پوری ٹیم کے شکرگزار ہیں، کراچی کو ایسے لوگوں کی اشد ضرورت ہے، ظفر عباس

کراچی ( بزنس رپورٹر).گل مہر کی تین روزہ سحری کے آخری روز جے ڈی سی چیف ظفر عباس نے گل مہر کے چئیرمین کیپٹن ندیم خان، چیف ایگزیکٹو عاطف باری، ایگزیکٹو ڈائریکٹر مارکیٹنگ کاشف ظفر، جنرل مینجر عمران علی، سئنیر مینجر علی مہدی اور دیگر ٹیم کے جذبے کو سراہا اور کہا کہ ملک اور بالخصوص کراچی کو ایسے لوگوں کی ضرورت ہے جو اس ملک کیلئے کچھ کرجانے کا عزم رکھتے ہوں ہم نے لوگوں کی سفید پوشی برقرار رکھنے کاعزم کر رکھا ہے جسے پورا کرنے کیلئے مخیر حضرات کے تعاون کے شکر گزار ہیں.

پلاٹوں کی قرعہ اندازی جے ڈی سی کے چیف ظفر عباسل نے کی، خوش نصیبوں کو اطلاع دی

کیپٹن ندیم خان،چیف ایگزیکٹو عاطف باقر، ایگزیکٹو مینجر مارکیٹنگ کاشف ظفر شریک تھے

تمام خوش نصیوں کو فیس بک میسینجر پر جے ڈی سی کے آفیشل پیج سے میسج کر کے اطلاع دی گئی

JDCکے ظفر عباس نے گل مہر کی پوری ٹیم کو اتنی شاندار 3 روزہ سحری کروانے پر مبارک باد دی

جے ڈی سی نے ہمیں اپنے پلیٹ فارم کا حصہ بنایا، ظفر عباس کے بہت شکر گذار ہیں، کیپٹن ندیم

کراچی ( بزنس رپورٹر) انیسویں روزے کی شام میں گل مہر کے ہیڈ آفس میں 9 خوش نصیبوں کو کروڑوں روپے مالیت کے 9 پلاٹوں کی قرعہ اندازی کے پروگرام میں مہمان خصوصی جے ڈی سی کے چیف ظفر عباس نے شرکت کی اس موقع پر کیپٹن ندیم خان،چیف ایگزیکٹو عاطف باقر، ایگزیکٹو مینجر مارکیٹنگ کاشف ظفر نے میڈیا کے سامنے فیس بک پر وڈیو شئیر کرنے والے 9 خوش نصیبوں کے پلاٹوں کی قرعہ اندازی کی گئی جسے دو لاکھ سے زائد لوگوں نے شئیر کیا جس میں سے پچیس لاکھ روپے مالیت کے 09 پلاٹ خوش قسمت لوگوں کی قرعہ اندازی کے بعد ان کے فیس بک میسینجر پر جے ڈی سی کے آفیشل پیج سے میسج کر کے اطلاع دی گئی۔ اس موقع پر جے ڈی سی چیف ظفر عباس نے گل مہر کی پوری ٹیم کو اتنی شاندار 3 روزہ سحری کروانے پر مبارک باد دی اور شکریہ ادا کیا اور کہا کہ زیادہ سے زیادہ لوگ اس کارے خیر میں حصّہ لیں اور اس شہر کے لوگوں کی مسکراہٹ کا ذریعہ بنیں۔ کیپٹن ندیم نے ظفر عباس کا شکریہ ادا کرتے ہوئے کہا کہ جے ڈی سی نے ہمیں اپنے پلیٹ فارم کا حصہ بنایا اور جے ڈی سی کے کام کو سراہتے ہوئے کہا کہ آپ کو جس طرح لوگوں کی خدمت کرتے ہوئے دیکھا اس سے ہمارے جذبے میں اور اضافہ ہوا اور ہم ہمیشہ آپ کے ساتھ ہیں اور جو ہوسکا ہم مستقبل میں بھی آپ سے تعاون کریں گے اور دعا دیتے ہوئے کہا کہ اللہ آپ کو استقامت دے اور اللہ آپ کی حفاظت فرمائے تاکہ آپ اسی جذبے کے ساتھ لوگوں کی خدمت کرتے رہیں