عوام کے لیے برُی خبر ہے کہ کراچی سمیت ملک بھر کیلئے بجلی 1 روپے 63 پیسے فی یونٹ مہنگی ہو گئی۔
نیپرا کی جانب سے بجلی مہنگی کرنے کا نوٹیفکیشن جاری کر دیا گیا ہے جس کے مطابق بجلی جنوری کی ماہانہ فیول ایڈجسٹمنٹ کی مد میں مہنگی کی گئی۔
بجلی صارفین سے مارچ کے بلوں میں اضافی وصولیاں ہوں گی۔
بجلی کی قیمتوں میں اضافے کا اطلاق کے الیکٹرک صارفین پر بھی ہو گا البتہ لائف لائن صارفین الیکٹرک وہیکل چارجنگ اسٹیشنز پر اطلاق نہیں ہو گا۔
نیپرا نے جنوری کی فیول پرائس پر سماعت کے بعد فیصلہ محفوظ کر رکھا تھا۔