![](https://i0.wp.com/qaumiakhbar.com/wp-content/uploads/2024/07/2673778-nbp-1721896553-346-640x480-1.jpg?resize=640%2C480&ssl=1)
کراچی: نیشنل بینک آف پاکستان نے گورنر خیبر پختونخوا فیصل کریم کنڈی کے ساتھ ملاقات میں نوجوانوں کو قرض کی سہولیات فراہم کرنے کے عزم کا اعادہ کیا ہے۔
گورنر خیبر پختونخوا فیصل کریم کنڈی کا نیشنل بینک کے ہیڈ آفس پہنچنے پر صدر این بی پی رحمت علی حسنی اور ایگزیکٹو وائس پریزیڈنٹ ڈویژنل ہیڈ آف گورنمنٹ اور اسپیشلائزڈ ایجنسیز فاروق حسن نے خیر مقدم کیا۔ اس موقع پر ہونے والی ملاقات میں صدر نیشنل بینک آف پاکستان (این بی پی) رحمت علی حسنی نے بے روزگار نوجوانوں کو زیادہ سے زیادہ قرض کی فراہمی کے عزم کااظہار کیا ہے۔
ملاقات کے دوران اقتصادی ترقی میں معاونت اور صارف کے تجربے کو مزید بہتر بنانے کے لیے این بی پی کے کردار پر مفید اور تعمیری بات چیت کی گئی۔
گورنر خیبر پختونخوا فیصل کریم کنڈی نے معاشی ترقی میں ایک اہم قومی ستون کی حیثیت سے این بی پی کے کردار کی تعریف کی اور ایسے اقدامات کرنے کی ضرورت پر زور دیا جس سے ابھرتے ہوئے انٹرپرینورز کو معاونت ملے اور کمزور گروپوں کو بہتر خدمات حاصل ہوں۔
اللہ پاک قرض لینے سے اور سود کی ادائیگی سے سب کو محفوظ فرمائے سود ایک لعنت ہے اللہ اور اس کے رسول کے جنگ ہیں اللہ سب کو محفوظ فرمائے