بلدیہ اتحاد ٹاؤن میں تاجر رفیع اللہ کو اس کے دوست واجد نے لڑکی کے تنازع پر گولی مار کر ہلاک کیا
اسکریپ کا تاجر رفیع اللہ ڈانس پارٹی سے صبا نامی لڑکی کو دوست کی مرضی کے خلاف اپنے ساتھ لے گیا
دوست نے طیش میں آکر تعاقب کیا اور کار پر فائرنگ کرکے رفیع اللہ کو مارڈ ڈالا،صبا واجد کی سالی ہے، پولیس
پولیس کو تاحال صبا نامی لڑکی نہیں ملی، واجد کو حراست میں لےکر تفتیش شروع کردی گئی ۔ ایس ایچ اورسول ارباب
: کراچی ( کرائم رپورٹر راؤ عمران ) بلدیہ اتحاد ٹاؤن میں اسکریپ کے تاجر کا قتل ڈانس پارٹی میں لڑکی کا تنازعہ نکلا پولیس نے مقتول کی دوست لڑکی کے بہنوئی کو حراست میں لے لیا تفصیلات کے مطابق بلدیہ عیدگاہ گراؤنڈ کے کے قریب گزشتہ شب کار پر فائرنگ سے جاں بحق ہونیوالے اسکریپ اور ڈرائی فروٹ کے تاجر رفیع اللہ کے قتل کے الزام میں مقتول کے دوست واجد کو حراست میں لے لیا ایس ایچ او غلام رسول ارباب کے مطابق قتل واقعہ ڈانس پارٹی میں ڈانسر کو ساتھ لے جانے پر جھگڑے کا شاخسانہ تھا مقتول کا دوست واجد دانس پارٹی آرگنائز کرتا تھا گزشتہ روز بھی ایک گھر میں ڈانس پارٹی ہورہی تھی مقتول پارٹی سے صبائنامی لڑکی کو اپنے ساتھ لے جان چاہتا تھا جس پر دونوں میں تلخ کلامی ہوئی رفیع اللہ دوست کی مرضی کے خلاف لڑکی صبا کو کار میں لیکر نکلا دوست نے طیش میں آکر تعاقب کیا اور کار پر فائرنگ کرکے رفیع اللہ کو ہلاک کرکے لڑکی کو لے گیا ایس ایچ او نے بتایا کہ لڑکی صباءزیر حراست واجد کی سالی ہے تاہم پولیس کو صبا نامی لڑکی نہیں ملی ہے واجد کو حراست میں لے کر تفتیش شروع کردی ہے