ادارہ شماریات نے مہنگائی سے متعلق ماہانہ رپورٹ جاری کردی۔
اگست 2025 میں مہنگائی وزارت خزانہ کے تخمینے سے کم رہی اور جولائی کے مقابلے اگست میں مہنگائی کی شرح 0.65 فیصد کم ریکارڈ ہوئی۔
اگست میں مہنگائی بڑھنے کی سالانہ شرح 2.99 فیصد ریکارڈ کی گئی۔
وزارت خزانہ نے اگست کےلیے مہنگائی کا تخمینہ 4 سے 5 فیصد کے درمیان لگایا تھا۔
ادارہ شماریات کے مطابق جولائی اور اگست 2025 کے درمیان اوسط مہنگائی 3.53 فیصد رہی جبکہ جولائی2025 میں مہنگائی بڑھنے کی سالانہ شرح4.07فیصد ریکارڈ کی گئی تھی۔
گزشتہ ماہ دیہات میں ماہانہ بنیادوں پرمہنگائی کی شرح 0.52 فیصد کم ہوئی، اگست میں شہروں میں مہنگائی میں 0.73 فیصد کی کمی ہوئی جبکہ گزشتہ ماہ دیہات میں مہنگائی کی سالانہ شرح2.43 فیصد اور اگست میں شہروں میں سالانہ شرح 3.38 فیصد رہی۔