کرونا وائرس کو مکمل طور پر ختم کرنا مکمن نہیں, امریکی ماہرِ وبائی امراض

اومیکرون ہر شخص تک پہنچے گا، کرونا وائرس کو مکمل طور پر ختم کرنا بھی مکمن نہیں، امریکی  ماہرِ وبائی امراض انتھونی فاؤچی نے دنیا کو خبردار کر دیا۔

رپورٹ کے مطابق امریکی ماہر وبائی امراض انتھونی فاؤچی کا کہنا ہے کہ اومیکرون ویرینٹ منتقلی کی غیر معمولی صلاحیت کے ساتھ ہر شخص تک پہنچے گا ان کا کہنا تھا کہ اس وائرس کو ختم کرنے کا کوئی طریقہ نہیں ہے، کیوں کہ یہ تیزی سے پھیلتا ہے اور اس میں نیا ویرینٹ بننے کی صلاحیت ہے۔

امریکی صدر جو بائیڈن کے چیف میڈیکل ایڈوائزر اورامریکی ماہر وبائی امراض انتھونی فاؤچی بریفنگ دیتے ہوئے مزید کہا کہ اومیکرون میں اتار چڑھاؤ کے ساتھ ملک ممکنہ طور پر ایک نئے مرحلے میں داخل ہوگا۔

تاہم امید کرتے ہیں کہ مستقبل میں اس کے خلاف تحفظ ممکن ہوگا اور ادویات موجود ہوں گی، تاکہ اگر کسی کو وائرس لگ بھی جائے اور وہ شدید خطرے سے دوچار ہوں تو بھی مریض کا علاج ہو سکے۔

یاد رہے کہ امریکی ماہر وبائی امراض انتھونی فاؤچی نے منگل کو امریکی سینٹر فار اسٹریٹیجک اینڈ انٹرنیشنل اسٹڈیز میں یہ بات کہی کہ اومیکرون ہر شخص تک پہنچے گا، کرونا وائرس کو مکمل طور پر ختم کرنا مکمن نہیں ہے۔