شاہ رخ خان بھی اب ویب سیریز میں نظر آئیں گے

بالی وڈ کے کنگ اسٹار شاہ رخ خان بھی اب ویب سیریز میں اپنے کیریئر کا آغاز کرنے جارہے ہیں۔

میڈیا رپورٹس کے مطابق شاہ رخ نے ڈزنی ہاٹ اسٹار کے ساتھ ایک ویب سیریز کا معاہدہ کیا ہے جس کی تصدیق بھی کردی گئی ہے تاہم اس حوالے سے کچھ تفصیلات حاصل نہیں ہوسکیں ہیں۔

گزشتہ روز بالی وڈ کے ہدایتکار کرن جوہر کی جانب سے شاہ رخ خان کا ایک اشتہار  پوسٹ کیا گیا جس کے کیپشن میں درج تھا کہ انہوں نے کبھی نہیں سوچا تھا کہ بالی وڈ کے بادشاہ کو اپنے گمشدہ ہونے کا ڈر ہوگا۔

اس ویڈیو میں سنا جاسکتا ہے کہ ڈزنی پلس ہاٹ اسٹار پر سب ہیں سوائے شاہ رخ اور ساتھ ہی ‘جاری ہے’ کہ نوٹ کے ساتھ اختتام پذیر ہوگئی۔

واضح رہے کہ کرن جوہر کی جانب سے شیئر کی جانے والی ویڈیو  دراصل ڈزنی پلس ہاٹ اسٹار ڈیجیٹل پلیٹ فارم کا اشتہار ہے۔