شاہنواز دھانی کی ٹیم اسکواڈکے ساتھ سالگرہ

جمیکا(مانیٹرنگ ڈیسک)پاکستان کرکٹ ٹیم کے اسکواڈ اور کھلاڑیوں نے فاسٹ باؤلر شاہنواز دھانی کی سالگرہ بھرپور طریقے اور خوب ہنسی مذاق کرتے ہوئے منائی۔پاکستان کرکٹ بورڈ (پی سی بی) کی جانب سے 23 سالہ شاہنواز دھانی کی سالگرہ منانے کی ویڈیو جاری کردی گئی۔ویسٹ انڈیز کے خلاف ٹیسٹ سیریز کے لئے پاکستان اسکواڈ میں شامل شاہنواز دھانی کے ساتھ کپتان بابر اعظم سمیت دیگر کھلاڑیوں نے خوب ہنسی مذاق کیا اور کیک کاٹتے وقت سب بہت خوش دکھائی دیئے۔اس موقع پر کھلاڑیوں نے شاہنواز دھانی کو سالگرہ کی مبارک باد دی اور انکے منہ پر کیک بھی لگایا۔ بعد ازاں کھلاڑیوں نے گروپ فوٹو بھی بنایا۔سالگرہ میں ٹیم کے کوچ مصباح الحق اور وقار یونس بھی شریک تھے۔شاہنواز دھانی نے ٹوئٹر اکاؤنٹ پر پی سی بی اور تمام لوگوں کا شکریہ بھی ادا کیا۔