پیٹرولیم قیمتوں میں عیارانہ اضافہ نامنظور

کراچی(اسٹاف رپورٹر)وفاقی حکومت کی جانب سے پیٹرولیم مصنوعات کی قیمتوں میں ہونے والے اضافے کو سندھ حکومت نے مسترد کردیا، ترجمان سندھ حکومت بیرسٹر مرتضیٰ وہاب نے کہا ہے کہ وفاقی حکومت پیٹرولیم مصنوعات کی قیمتوں میں عیارانہ اضافہ کرتی ہے۔ بیان میں مرتضیٰ وہاب کا کہنا تھا اوگرا نے پیٹرول کی قیمت میں گیارہ روپے فی لیٹر اضافے کی سمری بھیجی تھی، کپتان اوگرا کی سمری سے کچھ تناسب کم کرکے اضافہ کردیتے ہیں۔انھوں نے کہا کہ پھر نااہل ترجمان واہ واہ کرتے ہیں کہ کپتان نے اوگرا کی سمری کو مسترد کرکے کم اضافہ کیا۔مشیر وزیراعلیٰ سندھ کا کہنا تھا کہ یہ اضافہ مہنگائی کے اس دور میں عوام پر ظلم کے مترادف ہے، حکمرانوں کو عوام کی پریشانیوں سے کوئی سروکار نہیں ہے۔بیرسٹر مرتضیٰ وہاب نے کہا کہ خدارا عوام کے غیض و غضب سے بچیں اور اضافہ فی الفور واپس لیں۔