بھارتی اداکارہ سوارا بھاسکر نے پاکستان کی قومی اسمبلی کی بحالی اور ڈپٹی اسپیکر کے فیصلے کو کالعدم قرار دینے سے متعلق سپریم کورٹ آف پاکستان کے فیصلے کو سراہا ہے۔
پاکستان کی سپریم کورٹ نے جمعرات کو اپنے تاریخی فیصلے میں وزیراعظم عمران خان کے خلاف تحریک عدم اعتماد کو مسترد کرنے کے ڈپٹی اسپیکر کے فیصلے کو غیر قانونی قرار دیتے ہوئے قومی اسمبلی کو بحال کرنے کا حکم دیا تھا۔
عدالت کے فیصلے کے بعد سوارا بھاسکر نے ٹوئٹر پر سپریم کورٹ آف پاکستان کے فیصلے کی تعریف کی۔
سوارا بھاسکر نے اپنے ٹوئٹ میں کہا کہ ’ایسا لگتا ہے کہ پاکستان کی سپریم کورٹ اپنے ملک اور شہریوں کے لیے کھڑی ہے نہ کہ اپنی حکومت کے لیے۔‘
ساتھ ہی انہوں نے کہا کہ سپریم کورٹ کا فیصلہ تو یہی ظاہر کررہا ہے۔