کراچی کے علاقے حسین آباد میں دوست کو قتل کرنے والے ملزم نے گرفتاری دے دی، از خود گرفتاری دینے والے ملزم دلاور کا ویڈیو بیان بھی سامنے آ گیا ہے۔ملزم دلاور نے اپنے ویڈیو بیان میں کہا ہے کہ مقتول حارث اس کا بچپن کا دوست تھا، حارث باڑے میں آیا، جہاں میرا لوڈڈ پستول رکھا تھا، مجھ سے انجانے میں گولی چل گئی، جان بوجھ کر کچھ نہیں کیا۔ملزم دلاور نے کہا ’’میں خود حارث کو اسپتال لے کر گیا، وہ راستے میں مجھ سے باتیں بھی کر رہا تھا، حارث کے اہلخانہ اور سب لوگوں سے معافی مانگتا ہوں۔