لندن کے ہیتھرو ایئرپورٹ پران کا استقبال پاکستان ہائی کمیشن لندن کے فرسٹ سیکرٹری فہد سلیم نے کیا
چیئرمین پاکستان کرکٹ بورڈ محسن نقوی کی خصوصی ہدایات پر کرکٹر صائم ایوب کو علاج کے لیےلندن بھیجنے کا فیصلہ کیا گیا تھا اور وہ علاج کے لیے لندن پہنچ گئے۔
قومی ٹیم کے اوپنر صائم ایوب اسسٹنٹ کوچ اظہر محمود کے ہمراہ 7 جنوری کو کیپ ٹاؤن سے لندن روانہ ہوئے تھے اور لندن کے ہیتھرو ایئرپورٹ پران کا استقبال پاکستان ہائی کمیشن لندن کے فرسٹ سیکرٹری فہد سلیم نے کیا۔
کرکٹر صائم ایوب کو ٹاپ اسپشلسٹ سے علاج کروانے کے لیے لند بھجوایا گیا جہاں پاکستانی ہائی کمشنر ڈاکٹر محمدفیصل کرکٹر صائم ایوب کے علاج کے انتظامات کی نگرانی کریں گے۔
چیئرمین پی سی بی محسن نقوی کا کہنا ہے کہ اوپنر صائم ایوب پاکستان کرکٹ کا قیمتی اثاثہ ہیں ان کے علاج معالجے کے لیے ہر ممکن وسائل فراہم کیے جائیں گے۔ کرکٹر کی جلد صحتیابی کے لیے دعا گو ہوں۔