پریس ریلیز
عمران ٹائیگرز کراچی
تاریخ: 15 ستمبر 2024
آج 15 ستمبر 2024 کو پاکستان تحریک انصاف (پی ٹی آئی) کراچی ڈویژن کے ڈپٹی جنرل سیکرٹری اور عمران ٹائیگرز کراچی کے روح رواں نوید عالم صدیقی نے عمران ٹائیگرز کراچی کے ممبران سے ایک اہم ملاقات کی۔ ملاقات میں آیندہ دنوں کے حوالے سے حکمت عملی مرتب کی گئی، خاص طور پر کراچی میں منعقد ہونے والے جلسے کی تیاریوں پر تفصیلی مشاورت کی گئی۔
نوید عالم صدیقی نے ملاقات میں شرکت کرنے والے اراکین کو کراچی جلسے میں بھرپور شرکت کی ہدایات دیتے ہوئے کہا کہ عمران ٹائیگرز کراچی کو ایک منظم اور بھرپور انداز میں جلسے کے انعقاد میں اپنی ذمہ داریاں ادا کرنی ہیں۔ انہوں نے یقین دلایا کہ عمران ٹائیگرز کی جانب سے کراچی کے جلسے کو کامیاب بنانے کے لیے تمام ضروری اقدامات کیے جائیں گے۔
ملاقات میں کراچی کے عمران ٹائیگرز کے سینیئر رہنماؤں نے بھی شرکت کی اور جلسے کی تیاریوں کو حتمی شکل دینے کے لیے مختلف تجاویز پیش کیں۔ جلسے میں نظم و ضبط کو برقرار رکھنے اور ایک مربوط طریقے سے شرکت کو یقینی بنانے کے لیے خصوصی اقدامات پر غور کیا گیا۔