محکمہ موسمیات کی جانب سے تیز بارش کی پیشگوئی کے باعت کراچی کے سرکاری اور نجی اسکول کل بند رہیں گے۔
کمشنر کراچی کا کہنا ہے کہ یہ فیصلہ محکمہ موسمیات، صوبائی ڈیزاسٹر مینجمنٹ اتھارٹی سے مشاورت کے بعد کیا گیا ہے۔
کراچی سمیت سندھ کے مختلف شہروں میں وقفے وقفے سے بارش کا سلسلہ جاری ہے، ممکنہ طوفانی بارش کے باعث کراچی میں کل تمام اسکول بند رکھنے کا فیصلہ کیا گیا۔
محکمہ موسمیات نے صبح تک سندھ کی ساحلی پٹی پر سمندری طوفان بننے کا خطرہ ظاہر کردیا، کراچی سمیت سندھ کے دیگر اضلاع میں موسلا دھار بارش کا امکان ہے۔