کراچی میں پی ٹی آئی کارکنوں کی انوکھی مہم
عام انتخابات میں دھاندلی کے خلاف پی ٹی آئی قیادت کی ہدایت پر ملک بھر کی طرح کراچی میں بھی احتجاجی تحریک جاری
پارٹی کارکنان اور نوجوانوں کی عمران خان کے ماسک پہن کر مختلف عوامی مقامات اور بازاروں میں عوامی رابطہ مہم میں تیزی
ر مظاہروں میں بانی چئیرمین کی رہائی مطالبہ، پی ایس ایل فائنل سے شروع ہونے والی مہم شاپنگ مالز میں بھی پھیل چکی ہے
کراچی ( اسٹاف رپورٹر)عام انتخابات میں دھاندلی کے خلاف پی ٹی آئی قیادت کی ہدایت پر ملک بھر کی طرح کراچی میں بھی احتجاجی تحریک جاری ہے۔ شہر قائد میں تحریک انصاف کے کارکنوںنے انوکھی مہم کا بھی آغاز کیا ہے جس کے تحت نوجوانوں نے پارٹی کے بانی عمران خان کے ماسک پہن کر عوامی مہم چلاناشروع کر دی ہے۔ پارٹی کارکنان اور نوجوان عمران خان کے ماسک پہن کر مختلف عوامی مقامات اور بازاروں میں عوامی رابطہ مہم جاری رکھے ہوئے ہیں اور مظاہروں میں بانی چئیرمین کی رہائی مطالبہ بھی کیا جارہا ہے، اس مہم کا آغاز پی ایس ایل فائنل سے شروع کیا گیا تھااور اس کے بعد ملینیم مال اور اطراف کے بازاروں ، شاپنگ مالز اور دیگر مقامات پر یہ مہم جاری ہے، اس مہم کے دوران عوام کے درمیان عمران خان کے ماسک تقسیم کئے گئے اور عوام نے بانی چیئرمین پی ٹی آئی کے ماسک پہنے نوجوانوں کے ساتھ تصاویر بھی کھنچوائیں اور تحریک انصاف کے حق میں نعرے لگائے۔