رہنما پاکستان تحریک انصاف شیر افضل مروت نے قومی اسمبلی میں پی ٹی آئی ارکان کے قومی اسمبلی اجلاس میں شرکت کی تصدیق کرتے ہوئے کہا ہے کہ ابھی بائیکاٹ کا فیصلہ نہیں ہوا۔
شیر افضل مروت کا کہنا ہے کہ پی ٹی آئی ارکان 29 فروری کو قومی اسمبلی اجلاس میں حلف لینے کیلئے شرکت کریں گے۔
جیو نیوز کے پروگرام ’آج شاہ زیب خانزادہ کے ساتھ‘ میں شریک پی ٹی آئی رہنما کا کہنا تھا کہ اسمبلی کے بائیکاٹ کا فیصلہ ابھی تک نہیں ہوا، شاید ہم اسمبلی کے اندر رہتے ہوئے احتجاج کریں۔
انہوں نے کہا کہ مخصوص نشستوں کے معاملے پر الیکشن کمیشن سے رتی بھر بھی توقع نہیں ہے
انہوں نے مزید کہا کہ انٹرا پارٹی انتخابات میں پی ٹی آئی چیئرمین کیلئے بیرسٹر گوہراُمیدوار ہوں گے۔
ایک سوال کے جواب میں ہی ٹی آئی رہنما نے واضح کیا کہ اُن کے اور بیرسٹرگوہر کے درمیان کوئی ناراضگی نہیں تھی۔