پاکستان میں سماجی رابطے کی ویب سائٹ ایکس (سابق ٹوئٹر) کی سروس متاثر ہونے سے صارفین کو شدید مشکلات کا سامنا کرنا پڑ رہا ہے۔
رئیل ٹائم انٹرنیٹ اور سوشل میڈیا کی بندش اور مانیٹرنگ سروس Downdetector.pk کے مطابق ملک بھر میں 17 فروری کی شب 9 بجے سے ایکس کی سروس ڈاؤن ہے۔
صارفین کی جانب سے شکایت کی جارہی ہے کہ وہ ایکس تک رسائی حاصل نہیں کر پارہے، صارفین کا کہنا ہے کہ ایکس کا ہوم پیج کھلنے کے بجائے اس پر ‘this site can’t be reached’ کا نوٹیفکیشن نظر آرہا ہے۔
کا کہنا ہے کہ 17 فروری کی رات 9 بج کر ایک منٹ کے قریب ایکس کی بندش کی کم از کم 185 رپورٹس موصول ہوئیں جبکہ اب تک اس کی تعداد میں مزید اضافہ ہوگیا ہے۔
دوسری جانب سائبر سکیورٹی واچ ڈاگ، نیٹ بلاکس نے بھی پاکستان میں ایکس سروس کی بندش کی تصدیق کردی ہے۔
