Qaumi Akhbar
Loading site
قومی اخبار
پیر 06 اپریل 2020
LZ_SITE_TITLE
 
New World of Online News

جو مزہ لوگوں کے گھر آنے میں ہے بلانے میں نہیں،عائزہ خان

قومی نیوز بدھ 22 جنوری 2020
جو مزہ لوگوں کے گھر آنے میں ہے بلانے میں نہیں،عائزہ خان

کراچی(ویب ڈیسک) اداکارہ عائزہ خان نے فلموں میں کام کرنے کے حوالے سے کہا ہے کہ انہیں فلموں میں کام کرنے کا کوئی شوق نہیں ہے۔

پاکستان کے مقبول ترین ڈرامے ”میرے پاس تم ہو“ کی مرکزی اداکارہ عائزہ خان کے مداح اب انہیں بڑی اسکرین پر دیکھنے کے منتظر ہیں جب کہ ٹی وی سے شہرت حاصل کرنے والے تقریباً ہر اداکار کی اگلی منزل بڑی اسکرین ہی ہوتی ہے لیکن عائزہ خان اس کے برعکس سوچتی ہیں۔

حال ہی میں ایک پروگرام کے دوران جب عائزہ خان سے فلموں میں کام کرنے کے حوالے سے پوچھا گیا تو انہوں نے کہاکہ انہوں نے کبھی فلموں میں کام کرنے کے بارے میں نہیں سوچا اور نہ ہی یہ سوچا ہے کہ وہ کس اداکار کے ساتھ فلموں میں کام کریں گی۔

رابی پیزادہ کے بعد سمارہ چوہدری ہیکرز کا شکار؟

ڈراماسیریل ”میرے پاس تم ہو“ کے ہدایت کار ندیم بیگ نے عائزہ خان کی بات پر کہا کہ ایک بار انہوں نے عائزہ سے اس بارے میں سوال کیا تھا کہ اب تمہیں فلم کرنی ہے جس پر عائزہ نے کہا تھا کہ نہیں مجھے فلم نہیں کرنی اور نہ مجھے خود کو بڑی اسکرین پر دیکھنے کا شوق ہے میں چھوٹی اسکرین پر بہت خوش ہوں۔

ہدایت کار ندیم بیگ کی بات پر عائزہ خان نے کہا مجھے لگتا ہے ”جو مزہ لوگوں کے گھر میں آنے میں ہے وہ انہیں بلانے میں نہیں ہے۔“ ان کی اس بات پر ہال میں موجود تمام لوگوں نے انہیں تالیاں بجا کر داد دی۔ جب کہ ہمایوں سعید نے مذاقاً کہا عائزہ دعوت کھانا چاہتی ہے دعوت دینا نہیں چاہتی۔

(1723 بار دیکھا گیا)

تبصرے