Qaumi Akhbar
Loading site
قومی اخبار
هفته 19 اکتوبر 2019
LZ_SITE_TITLE
 
New World of Online News

ٹرمپ مودی کا مذاق اڑاتے ہیں؟ بھارتی میڈیا کوسمجھ آگئی

قومی نیوز جمعه 27  ستمبر 2019
ٹرمپ مودی کا مذاق اڑاتے ہیں؟ بھارتی میڈیا کوسمجھ آگئی

نئی دہلی(قومی اخبارنیوز)بھارتی میڈیا میں یہ بحث شدت اختیار کر گئی کہ امریکی صدر ڈونلڈ ٹرمپ مودی کی تعریف کرتے ہیں؟ مذاق اڑاتے ہیں؟ یا طنز کے تیر برساتے ہیں؟

امریکی صدر نے ملاقات کے دوران بھارتی وزیر اعظم کی تعریف کرتے ہوئے کہا تھانریندر مودی اتنے مقبول ہیں جیسے امریکا کے معروف گلوکار اور اداکار ایلوس ایرون پریسلے تھے۔

ذرائع ابلاغ کے مطابق صدر ٹرمپ نے دو ماہ میں دوسری مرتبہ ایسی مثال دی ہے جس کی وجہ سے ان کی نیت پر شک ہونے لگا ہے کیونکہ اگر وہ ابراہم لنکن یا کینیڈی سے تشبیہ دیتے تو بھارت کو اچھا لگتا

یہ بھی پڑھیں : عمران خان آ ج جنرل اسمبلی سے خطاب کیلئے تیار

بھارتی میڈیا نے اپنی وزارت خارجہ کو مشورہ دیا ہے کہ وہ اس بات کا فوری نوٹس لے اورامریکی انتظامیہ تک یہ بات پہنچائی جائے تاکہ کسی اور ملک کا سربراہ ایسی ہمت نہ کرے ،کسی بھی ملک کے سربراہ کا موازنہ کسی اداکاریا گلوکار سے کرنا مناسب نہیں۔

بھارتی خبررساں ایجنسی کے مطابق 26 اگست 2019ءکو بھی مشترکہ پریس کانفرنس کے دوران صدر ٹرمپ نے نریندر مودی کے جواب نہ دینے پر کہا تھا کہ حقیقت میں ان کی انگریزی بہت اچھی ہے لیکن وہ اس وقت بات کرنا نہیں چاہتے۔

بھارتی میڈیا کے مطابق صدر ٹرمپ کے اس طرح کے عمل کو کسی بھی طرح دوستی کا نام نہیں دیا جا سکتا کیونکہ دو ممالک کے تعلقات میں سربراہوں کی دوستی کوئی معنی نہیں رکھتی

بھارتی وزیراعظم کی نسبت صدر ٹرمپ نے وزیراعظم عمران خان سے دونوں مرتبہ ہونے والی ملاقات میں نہایت مودبانہ طریقہ اپنایا اور اس مرتبہ تو انہیں اہم ترین سفارتی مشن بھی سونپا ہے جس پر خود ان کی اپنی سیاسی زندگی کا بڑی حد تک انحصار ہے۔

(1049 بار دیکھا گیا)

تبصرے