Qaumi Akhbar
Loading site
قومی اخبار
بدھ 20 نومبر 2019
LZ_SITE_TITLE
 
New World of Online News

پریانکا چوپڑا کا خیرسگالی سفیرکا عہدہ خطرے میں

قومی نیوز جمعرات 22  اگست 2019
پریانکا چوپڑا کا خیرسگالی سفیرکا عہدہ خطرے میں

اسلام آ باد(ویب ڈیسک) وفاقی وزیر برائے انسانی حقوق ڈاکٹر شیریں مزاری نے اقوام متحدہ کے ادارے یونیسیف کی ایگزیکٹو ڈائریکٹر ہینریٹا ایچ فور کو بالی ووڈ اداکارہ پریانکا چوپڑا کو خیرسگالی سفیر کے عہدے سے ہٹانے کے لیے باضابطہ خط ارسال کر دیا۔

ڈاکٹر شیریں مزاری نے پریانکا چوپڑا کا معاملہ اقوام متحدہ کے سامنے اٹھاتے ہوئے یونیسف کی ایگزیکٹو ڈائریکٹر ہینریٹا فور کو باضابطہ خط ارسال کیا ہے جس میں انہوں نے لکھا ہے کہ یونیسیف نے بھارتی اداکارہ پریانکا چوپڑا کو امن کا سفیر مقرر کررکھا ہے، تاہم امن کی نام نہاد سفیر بھارتی اداکارہ پریانکا چوپڑا بھی آر ایس ایس کی طرح جنگی جنون میں مبتلا نکلیں۔

یہ بھی پڑھیں :‌ پاکستان سے کشیدگی، لاکھوں بھارتی بیروزگار

اہل کشمیر کی نسل کشی نے مقبوضہ کشمیر میں بحرانی کیفیت کو جنم دیا، قابض بھارتی افواج مقبوضہ کشمیر میں پیلٹ گنیں استعمال کررہی ہیں اور بھارتی اداکارہ ظلم اور ہتھکنڈوں کی کھل کر حمایت کررہی ہے۔

خط کے مطابق بھارتی اداکارہ نے ہندوستانی وزیر دفاع کی جانب سے پاکستان کو دی جانے والی جوہری حملے کی دھمکی کی بھی تائید کی، بھارتی اداکارہ کا بطور امن کی سفیر رویہ خود امن کے خلاف ہے، امن کی نام نہاد سفیر کی جانب سے جنگ کی تائید اقوام متحدہ کی جانب سے دیے گئے منصب کے خلاف ہے

یہ بھی پڑھیں : بھارت سے مذاکرات کا کوئی فائدہ نہیں، وزیراعظم

جنگی جنون میں مبتلا اس خاتون کو “امن کی سفیر” کے منصب سے معزول نہ کیا گیا تو یہ منصب جگ ہنسائی کا نشانہ بن جائے گا۔ لہٰذا آپ سے التماس ہے کہ بھارتی اداکارہ سے یونیسیف کی خیرسگالی سفیر کامنصب فوری واپس لیا جائے۔

واضح رہے کہ اداکارہ پریانکا چوپڑا نے چند روز قبل ایک امریکی نڑاد پاکستانی خاتون کو اس وقت چپ کرادیاتھا جب اس نے پریانکاسے امن کی سفیر ہونے کے باوجود جنگ کی تائید کرنے کے حوالے سے جواب طلب کیا تھا۔

یہ بھی پڑھیں : مقبوضہ کشمیر، مزید سوا لاکھ بھارتی فوجی تعینات

جس پر پاکستانی اداکارہ ارمینا خان نے بھی چند روز قبل یونیسیف کی ایگزیکٹیو ڈائریکٹر کو خط لکھ کر پریانکا چوپڑا کو خیرسگالی سفیر کے عہدے سے سبکدوش کرنے کا مطالبہ کیاتھا جب کہ اداکارہ مہوش حیات نے بھی پریانکا پر تنقید کرتے ہوئے کہا تھا کہ اداکارہ حب الوطنی کے لبادے میں نسل پرستی کو ہوا دے رہی ہیں جب کہ فنکاروں اور فلاحی کام کرنے والوں کی ذمہ داری ہے کہ وہ لوگوں کو متحد رہ کر کام کرنے کا مشورہ دیں۔

(2220 بار دیکھا گیا)

تبصرے