Qaumi Akhbar
Loading site
قومی اخبار
اتوار 22  ستمبر 2019
LZ_SITE_TITLE
 
New World of Online News

ٹیکس چوروں کو سزا دینے پرمجبور ہوں گے، عمران خان

قومی نیوز منگل 25 جون 2019
ٹیکس چوروں کو سزا دینے پرمجبور ہوں گے، عمران خان

اسلام آباد(قومی اخبارنیوز) وزیراعظم عمران خان کا کہنا ہے کہ جو ملک کے لیے بہتر ہوگا میں وہ کروں گا جب اصلاحات ہو رہی ہوں تو تھوڑا مشکل وقت تو آتا ہے۔

نجی ٹی وی چینل کے پروگرام میں بات کرتے ہوئے وزیراعظم کا کہنا تھا کہ حکومت میں آکر پتا چلا کہ اللہ نے اس ملک کو کتنا نوازا ہے

ملک کی یہ حالت بدعنوانی کی وجہ سے ہوئی ہے، ملک آج دوراہے پر کھڑا ہے، جتنا قرض آج لے رہے ہیں اس کا آدھا پرانے قرضوں کے سود پر چلا جاتا ہے۔

یہ بھی پڑھیں : آن لائن ٹیکسی پر’’ ٹیکس بم‘‘ گرانے کی تیاری

وزیراعظم نے کہا کہ ملک میں جب اصلاحات ہو رہی ہوں تو تھوڑا مشکل وقت آتا ہے، جو ملک کے لیے بہتر ہوگا میں وہ ہی کروں گا، لیڈر جواب دہ ہوتا ہے

میرا نہ کوئی بزنس ہے نہ کوئی فیکٹری، میرے تمام اثاثے ڈکلیئر ہیں، میں نے بیرون ملک کمائی کی اور پیسہ پاکستان لے کر آیا

قوم سے بھی اپیل ہے کہ اپنی زندگی آسان کریں اور اثاثے ظاہر کریں اور ایمنسٹی اسکیم سے فائدہ اٹھائیں۔

وزیراعظم کا کہنا تھا کہ ہم چاہتے ہیں کہ تمام لوگ ٹیکس ایمنسٹی اسکیم سے فائدہ ا±ٹھائیں، ملک کو چلانے کے لیے سب کو ٹیکس دینا چاہیے، عوام ٹیکس ادائیگی کو قومی فریضہ سمجھیں

لوگوں کو یقین دلانا ہے کہ ان کا دیا ہوا ٹیکس انہی کی سہولیات کے لیے خرچ ہوگا ہم ٹیکس میں قسط کی سہولت دے سکتے ہیں اور جو ٹیکس چوری کرے گا ہم اسے سزا دینے پرمجبور ہوں گے۔

یہ بھی پڑھیں : ڈالرز کی گھر گھر تلاشی ہوگی

عمران خان کا کہنا تھا کہ بجٹ میں کوشش کی ہے کہ غریب طبقے کو فائدہ ہو، ہم آمدنی بڑھانے اور اخراجات کم کرنے کی کوشش کر رہے ہیں

حکومت نے وزیراعظم ہائوس کا خرچہ 35 فیصد کم کردیا ہے، کابینہ ارکان نے 10 فیصد تنخواہیں کم کردی ہیں، افواج پاکستان نے بھی اپنے بجٹ میں اضافہ نہیں کیا

ملک کوقرضوں سے نجات دلائیں گے، وزیراعظم ہائوس میں زبردست یونیورسٹی بنا رہے ہیں، پاکستان کومدینہ کی ریاست بنائیں گے ملکی ترقی کے لیے حکومت اور عوام کو خود اپنے آپ کو بدلنا ہوگا۔

(253 بار دیکھا گیا)

تبصرے