Qaumi Akhbar
Loading site
قومی اخبار
منگل 19 نومبر 2019
LZ_SITE_TITLE
 
New World of Online News

نجی اسکول 9 سے 45 ہزار روپے تک فیس وصول کررہے ہیں ،ایف آئی اے

قومی نیوز جمعرات 10 جنوری 2019
نجی اسکول 9 سے 45 ہزار روپے تک فیس وصول کررہے ہیں ،ایف آئی اے

لاہور۔۔ ایف آئی اے نے اپنی رپورٹ میں کہا ہے کہ نجی اسکولوں کی جانب سے طلبہ سے 9 سے 45 ہزار روپے تک فیس وصول کی جارہی ہے۔

وفاقی تحقیقاتی ادارے (ایف آئی اے) نے لاہور میں نجی اسکولوں کی فیسوں کے حوالے سے تحقیقات مکمل کرلیں۔
ایف آئی اے نے عدالت میں رپورٹ جمع کراتے ہوئے بتایا کہ نجی اسکول اور اکیڈمیاں 9 ہزار سے لیکر 45 ہزار روپے تک فیس وصول کرتے ہیں۔

مزید پڑھئیے‎ : سی این جی سلنڈر لگی اسکول وینز کے خلاف کریک ڈاون

ذرائع کے مطابق سپریم کورٹ کے حکم پر ایف آئی اے سائبر کرائم ونگ نے لاکاس، بیکن ہاوس، لاہور گرائمر، امریکن اسکول، روٹس اسکول سسٹم، ریسورسز اکیڈمی، الائنس ریسورس سمیت دیگر نجی اسکولوں اور اکیڈمیوں کی فیسوں کے حوالے سے تحقیقات مکمل کرلیں۔

نجی اسکولوں کی کم سے کم فیس نو ہزار اور زیادہ سے زیادہ فیس 45 ہزار روپے وصول کی جارہی ہے۔

بعض اسکول اور اکیڈمیاں ماہانہ جبکہ کچھ تعلیمی ادارے دو ماہ کی فیس ایک ساتھ وصول کرتے ہیں۔ والدین سے پندرہ ہزار سے لیکر تیس ہزار روپے تک فی طالب علم ایڈمیشن فیس بھی وصول کی جاتی ہے۔

کچھ ایسے اسکول بھی ہیں جہاں بنیادی طور پر سہولیات نہ ہونے کے برابر ہیں۔تمام نجی اسکولوں نے ایف آئی اے کو تحریری طور پر اپنی فیس 20 فیصد تک کم کر نے سے آگاہ کردیا ہے۔

ایف آئی اے رپورٹ کی روشنی میں عدالت جو فیصلہ کرے گی تمام نجی اسکولوں کو اس پر عمل درآمد کرنا ہوگا۔

(329 بار دیکھا گیا)

تبصرے