Qaumi Akhbar
Loading site
قومی اخبار
بدھ 27 مارچ 2019
LZ_SITE_TITLE
 
New World of Online News

ازان سمیع نے کردیا حیران

ویب ڈیسک هفته 24 نومبر 2018
ازان سمیع نے کردیا حیران

گلوکارعدنان سمیع خان کے صاحبزادے اور پاکستانی میوزک کمپوزر ازان سمیع خان کا کہنا ہے کہ دوسال پہلے جب وہ اداکار بننے کی خواہش کا اظہار کرتے تھے تو لوگ ان پر ہنستے تھے۔ چند روز قبل میوزک کمپوزر ازان سمیع خان کی تصاویرسوشل میڈیا پر وائرل ہوئی تھیں جن میں وہ حیران کن طور پر کسی ماڈل سے کم نظر نہیں آرہے تھے۔ ازان سمیع خان نے حال ہی میں انٹرویو دیتے ہوئے ان حیران کن تبدیلیوں کے بارے میں بتاتے ہوئے کہا کہ وہ ایک اچھے میوزک کمپوزر تو ہیں ہی لیکن ان کا خواب تھا کہ وہ اداکار بھی بنیں، تاہم جب وہ اپنی اس خواہش کا اظہار لوگوں کے سامنے کرتے تھے تو لوگ ان پر ہنستے تھے۔ ازان سمیع خان نے کہا کہ بڑھے ہوئے وزن کی وجہ سے نا صرف انہیں صحت کے مسائل درپیش تھے بلکہ اداکار بننے کا خواب بھی پورا ہوتا ہوا نظر نہیں آرہا تھا لیکن تقریباً دوسال قبل انہوں نے کڑی محنت کرکے اپنا وزن کم کیا اور ناقدین کے منہ بند کردئیے۔ ازان سمیع خان نے کہا کہ اداکار بننے کے خواب کو پورا کرنے میں ان کی والدہ زیبا بختیار نے ان کا بہت ساتھ دیا، جب میری بیٹی پیدا ہوئی تو میری والدہ نے کہا کہ تمہارا ہمیشہ سے خواب رہا ہے کہ کیمرے کے سامنے کام کرو اب وقت آگیا ہے کہ تم اپنے بچوں کو یہ گفٹ دے سکتے ہو کہ تم نے وہ حاصل کرلیا ہے جس کے تم خواب دیکھا کرتے تھے۔ ازان سمیع نے کہاکہ میری والدہ کے الفاظ میرے لیے ٹرننگ پوائنٹ ثابت ہوئے اور میں نے خود کو مکمل طور پر تبدیل کیا۔ وہ اپنی کہانی لوگوں کو بتانا چاہتے ہیں تاکہ لوگوں کو اپنے مسائل پر قابو پانے کی ہمت مل سکے۔ موسیقار ازان سمیع خان نے کہا کہ ان کا خواب صرف وزن کم کرنا نہیں تھا بلکہ وہ اچھے اور پْرکشش نظر آنا چاہتے تھے تاکہ اسکرین پر مختلف کردار ادا کرسکیں جس کے لیے انہوں نے دن رات محنت کی۔ میں یہ بات جانتا ہوں کہ صرف اچھا نظر آنا، وزن کم کرنا اور پلاسٹک سرجری کرانا ہی انسان کو اچھا اداکار نہیں بناتا لیکن میری پْرکشش شخصیت اسکرین پر اچھا پرفارم کرنے میں میری بہت مدد کرے گی۔

(112 بار دیکھا گیا)

تبصرے