Qaumi Akhbar
Loading site
قومی اخبار
بدھ 16 اکتوبر 2019
LZ_SITE_TITLE
 
New World of Online News

بھارت میں پاکستانیوں کے اثاثے برائے فروخت

قومی نیوز هفته 10 نومبر 2018
بھارت میں پاکستانیوں کے اثاثے برائے فروخت

نئی دہلی۔۔۔۔نئی دہلی حکومت نے بھارت چھوڑپاکستان جانے والے ان افراد کی جائیدادوں کی مالیت چار سو ملین ڈالر کے برابر ہے۔بھارتی حکومت کے منصوبے کے مطابق چین اور پاکستان کے ساتھ جنگوں کے بعد ملک چھوڑ کر ان ممالک کا رخ کرنے والے افراد کی املاک فروخت کر دی جائیں گی۔ حکومت کا کہنا ہے کہ دشمن کی جائیدادیں996 کمپنیوں کی شکل میں ہیں، جن کے مالک20ہزار افراد یا ادارے تھے۔یہ املاک پاکستان کے ساتھ 1947ء، 1965 ء اور 1971ء کے تنازعات جب کہ 1962 ء میں چین کے ساتھ سرحدی جنگ کے بعد سرکاری قبضے میں لے لی گئی تھیں۔ان املاک کی فروخت کی نگرانی بھارتی وزیرخزانہ کر رہے ہیں۔ انہیں توقع ہے کہ اس سے حکومت کو 413 ملین ڈالر کی آمدن ہو گی۔ گزشتہ روز ایک حکومتی عہدیدار نے اس منصوبے کا اعلان کیا۔حکومتی بیان میں کہا گیا ہے کہ اس طرح سے حاصل ہونے والی آمدن کو ملک میں ترقی اور بہبود کے مختلف پروگرامز میں استعمال کیا جائے گا۔حکومتی بیان میں کہا گیا ہے کہ ‘اینیمی شیئرز’ نامی اس منصوبے کو بھارت میں 1968ء کی اس تعریف کے تحت استوار کیا گیا ہے ، جس میں ‘دشمن کے اثاثوں’ کا تعین کیا گیا تھا۔ اس بھارتی قانون کے تحت ایسے افراد جو بھارت یا چین کے ساتھ تنازعات کے بعد ملک چھوڑ کر ان ممالک کو ہجرت کر گئے ، ان کی املاک اور اثاثے ‘دشمن کی املاک’ قرار دئیے گئے تھے۔ یہ بات اہم ہے کہ ایسے بہت سے افراد بھی موجود ہیں، جن کے رشتہ دار ملک چھوڑ کر ہجرت کر گئے ، تاہم وہاں ان کے دیگر رشتہ داروں نے رہنا یا ان املاک کو استعمال کرنا شروع کر دیا۔ 2017ء میں نریندر مودی کی قوم پرست حکومت نے اس متنازعہ قانون میں ترمیم کی تھی، جس کے تحت ایسے بھارتی شہری جو قانونی طور پر یہ جائیداد بھی استعمال کر رہے تھے‘ ان سے یہ املاک لی جا سکتی ہیں۔ اس ترمیم پر بھارت میں شدید بحث ہوئی تھی، کیوں کہ بھارت سے ہجرت کر کے پاکستان چلے جانے والے زیادہ تر افراد مسلمان تھے جب کہ ان املاک میں بسنے والے خاندانوں کو یہ خدشات لاحق ہو گئے تھے کہ انہیں کسی بھی وقت ان مکانات سے نکالا جا سکتا ہے۔رواں برس جنوری میں حکومت نے اعلان کیا تھا کہ 9400 ایسی املاک کی شناخت کر لی گئی ہے ، جو ‘دشمن کے اثاثے ’ ہیں اور انہیں نیلام کیا جائے گا۔ ان شناخت کردہ اثاثوں میں سے 9280 ان افراد کی ہیں جو بھارت سے پاکستان ہجرت کر گئے ، جب کہ 126 ایسی املاک ہیں، جن کے مالک چین چلے گئے تھے۔

(336 بار دیکھا گیا)

تبصرے