اسلام آباد : الیکشن کمیشن نے الیکشن 2024 کے لئے پرنٹنگ کارپوریشنزکو بیلیٹ پیپرز کی چھپائی کی منظوری دے دی، تقریبا 25 کروڑ بیلیٹ پیپرز چھاپے جائیں گے۔
تفصیلات کے مطابق الیکشن کمیشن میں الیکشن 2024 کی تیاریوں کے حوالے سے اہم اجلاس ہوا ،جس میں پرنٹنگ کارپوریشنز کو بیلیٹ پپیز کی چھپائی کی منظوری دے دی گئی۔
ذرائع نے بتایا کہ اجلاس میں عام انتخابات کے لیے بیلیٹ پپیرز کی چھپائی کی منظوری دی گئی ہے۔
الیکشن کمیشن نے عام انتخابات میں تقریبا 25 کروڑ بیلیٹ پیپرز چھاپنے کا فیصلہ کیا ہے، الیکشن کمیشن واٹر مارک بیلیٹ پیپرز چھاپے گا، عام انتخابات کے لیے تین پرنٹنگ مشینوں سے بیلیٹ پیپرز چھپوائے جائیں گے۔
الیکشن کمیشن نے بیلیٹ پیپرز کی چھپائی کے موقع پر پرنٹنگ کارپوریشنز کی سیکیورٹی سخت کرنے کا فیصلہ بھی کیا ہے۔