فواد چوہدری ٹوئٹر پر تاحال وفاقی وزیر برقرار

تحریک عدم اعتماد کی کامیابی کے بعد جہاں عمران خان وزیر اعظم نہ رہے وہیں حکومت کے خاتمے کے بعد تمام وفاقی وزرا بھی وزارت کے عہدے سے فارغ ہوگئے۔

پی ٹی آئی حکومت کے خاتمے کے بعد عمران خان سمیت کئی وفاقی وزرا کے ٹوئٹر بائیو میں لفظ سابق کی تبدیلی دیکھنے میں آچکی ہے تاہم سابق وزیر اطلاعات فواد چوہدری خود کو  ٹوئٹر پر تاحال وفاقی وزیر برقرار رکھے ہوئے ہیں۔

اسکرین گریب

فواد چوہدری کے ٹوئٹر اکاؤنٹ کا جائزہ لیں تو وہاں اب بھی وفاقی وزیر برائے اطلاعات و نشریات، وزیر قانون درج ہے۔

ٹوئٹر پر فواد چوہدری کے 5 ملین فالوورز ہیں، یہی نہیں حکومت کے خاتمے کے بعد فواد چوہدری کی جانب سے متعدد ٹوئٹ بھی کی جاچکی ہیں لیکن اس  کے باوجود بھی انہوں نے اپنی ٹوئٹر بائیو میں تبدیلی نہیں کی۔

خیال رہے کہ پی ٹی آئی حکومت  کے بعد اب شہباز شریف کی کابینہ میں وزیر  اطلاعات کا قلمدان مریم اورنگزیب کو دیا گیا ہے۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*