Qaumi Akhbar
Loading site
قومی اخبار
اتوار 27  ستمبر 2020
LZ_SITE_TITLE
 
New World of Online News

جاپانی پولیس سڑک پر سونے والے افراد سے پریشان

ویب ڈیسک جمعه 21  اگست 2020
جاپانی پولیس سڑک  پر سونے والے افراد  سے پریشان

اوکی ناوا(ویب ڈیسک) جاپان میں سڑکوں پر سونے کا رحجان تیزی سے پروان چڑھ رہا ہے۔ اسے مقامی زبان میں ’روجو نے‘ یعنی سڑک پر سونے کا عمل کہا جاتا ہے۔آپ رات کو تھکے ہارے کار ڈرائیو کرکے اپنے گھر لوٹ رہے ہیں، یکایک سڑک کے عین درمیان آپ کو کوئی شخص بے خبر سوتا دکھائی دیتا ہے جس کے بعد کار کو فوری طور پر بریک لگانے پڑتیہیں۔ یہ مناظر صوبے اوکی ناوا میں عام ہیں اور صرف 2019 میں ایسے 7000 واقعات رپورٹ ہوئے ہیں۔ اس دوران سڑک پرسونے والے کئی افراد جان سے بھی گئے ہیں۔ لیکن لاکھ کوشش کے باوجود صورتحال بد سے بدتر ہوتی جارہی ہے۔ایک پولیس افسر نے بتایا کہ ایسے واقعات صرف اوکی ناوا میں زیادہ رونما ہوتے ہیں۔لیکن لوگوں کی اتنی بڑی تعداد سڑکوں پر کیوں سورہی ہے؟ اس کا جواب ہے کہ لوگ کثرت سے شراب نوشی کرکے اتنے بے سدھ ہوجاتے ہیں کہ وہ فٹ پاتھوں اور سڑکوں پر ہی ڈھیر ہوجاتے ہیں۔ لیکن بعض افراد نے یہاں کے موسم کو بھی اس کا ذمے دار ٹھہرایا ہے کیونکہ گرمی اور حبس بھی عوام کو نڈھال کررہا ہے۔

(95 بار دیکھا گیا)

تبصرے