Qaumi Akhbar
Loading site
قومی اخبار
اتوار 27  ستمبر 2020
LZ_SITE_TITLE
 
New World of Online News

کراچی والوں کیلئے بجلی مہنگی کرنے کی تیاری

ویب ڈیسک منگل 11  اگست 2020
کراچی والوں کیلئے بجلی مہنگی کرنے کی تیاری

کراچی (قومی اخبار نیوز)کراچی کے صارفین کے لیے بجلی مہنگی کرنے کی تیاریاں کرلی گئی ہے، گیارہ ماہ کی سہ ماہی ایڈجسٹمنٹ کی مد میں بجلی کی قیمتوں میں مجوزہ اضافے جاری کردیے۔شہر قائد میں بجلی کی ترسیل کار کمپنی کے-الیکٹرک نے مجوزہ اضافے کی تفصیلات ویب سائٹ پر جاری کردیں۔پاور ڈویڑن نے ابھی کے-الیکڑک کی بجلی قیمتوں میں اضافے کا نوٹیفکیشن جاری نہیں کیا۔کے-الیکٹرک نے اپنی ویب سائٹ پر موقف اختیار کیا ہے کہ بجلی قیمتوں میں اضافہ حتمی نہیں ہے۔ حتمی نوٹیفکیشن کے مطابق اس میں رد و بدل ہوسکتا ہے۔کمپنی نے بتایا کہ ماہانہ 300 یونٹ تک استعمال کرنے والے گھریلو صارفین کے لیے بجلی مہنگی نہیں ہوگی۔علاوہ ازیں ایسے صارفین جو ماہانہ 301 سے 700 یونٹ تک بجلی استعمال کرتے ہیں ان کے لیے فی یونٹ بجلی ایک روپے 65 پیسے منہگی ہوگی۔کے-الیکٹرک کے مطابق بجلی کی قیمتوں میں مجوزہ اضافے کا اطلاق یکم جولائی سے ہوگا۔کے-الیکٹرک نے بتایا کہ پانچ کلو واٹ لوڈ کمرشل صارفین کے لیے فی یونٹ بجلی ایک روپے 9 پیسے مہنگی ہوگی۔اسی طرح پانچ کلو واٹ سے زیادہ لوڈ کے کمرشل صارفین کے لیے فی یونٹ 2 روپے 89 پیسے مہنگا ہوگا۔کے-الیکٹرک کا کہنا ہے کہ جنرل سروسز کے شعبوں کے لیے بھی فی یونٹ بجلی 2 روپے 89 پیسے مہنگی ہوگی۔صنعتی شعبے کے مختلف لوڈز کے لیے بھی فی یونٹ 2 روپے 89 پیسے مہنگا ہوگا جبکہ زرعی صارفین کے لیے فی یونٹ بجلی 2 روپے 58 پیسے مہنگی ہوگی۔بلک سپلائی صارفین کے لیے فی یونٹ بجلی 2 روپے 89 پیسے مہنگی ہوگی جبکہ بجلی کی عارضی سپلائی اور پبلک لائیٹنگ کے لیے فی یونٹ 2 روپے 89 پیسے مہنگا ہوگا۔

(116 بار دیکھا گیا)

تبصرے