سردی کی نئی لہر، یخ بستہ ہوائیں چلنے لگیں

کراچی: شہر میں سردی کی جزوی لہرکے دوران یخ بستہ ہوائیں چلناشروع ہوگئیں جب کہ سردی کی نئی لہر27نومبر تک جاری رہ سکتی ہے۔

محکمہ موسمیات کے مطابق شہر کا مطلع صاف اور جزوی ابرآلود رہنے کا امکان ہے۔ چیف میٹرولوجسٹ محکمہ موسمیات سردارسرفراز کے مطابق شمالی ہوائوں کے سلسلے کے اثرات کے نتیجے میں شہر میں خنکی میں اضافے کا امکان ہے جس کے دوران درجہ حرارت میں 5ڈگری کمی کی توقع ہے۔

کراچی میں سردی آگئی

چیف میٹرولوجسٹ کے مطابق شہر کا کم سے کم درجہ حرارت 15 ڈگری تک گرنے کا امکان ہے ،جذوی سردی کی لہر27 نومبر تک جاری رہ سکتی ہے۔

سردارسرفراز کے مطابق 29 نومبر سے سردی کی ایک اورلہر کی توقع کررہے ہیں جس کے دوران درجہ حرارت مزید کم ہوکر 13ڈگری تک گرسکتا ہے۔ 29نومبر سے چلنے والی سردی کی لہردسمبر کے پہلے ہفتے تک برقراررہ سکتی ہے۔