Qaumi Akhbar
Loading site
قومی اخبار
بدھ 11 دسمبر 2019
LZ_SITE_TITLE
 
New World of Online News

”آ پ میری جگہ ہوتے تو ہارٹ اٹیک ہوجاتا“

قومی نیوز منگل 24  ستمبر 2019
”آ پ میری جگہ ہوتے تو ہارٹ اٹیک ہوجاتا“

نیویارک (قومی اخبارنیوز) وزیراعظم عمران خان نے مسائل سے بھرپور افغانستان‘ مخالف ہمسایہ بھارت اور عالمی طاقت چین سے گھرے ہوئے پاکستان کی علاقائی اور عالمی مشکلات کا ذکر کیا تو قہقہے لگ گئے ۔

کونسل آ ن فارن ریلیشنز کے صدر اور مباحثہ کے ماڈریٹر رچرڈ ہاس کے ایک سوال پر ردعمل کا اظہار کرتے ہوئے رچرڈ ہاس کو مخاطب کرتے ہوئے عمران خان نے کہا کہ میں گرم توے پر بیٹھا ہوںپاکستان کو اتنے گھمبیر مسائل کا سامنا ہے کہ اگرآ پ (رچرڈ)میری جگہ ہوتے تو آ پ کو ہارٹ اٹیک ہوجاتا۔

یہ بھی پڑھیں : پاکستا ن سے کشیدگی نے بھارتی معیشت کوگرا دیا

یہ تو کرکٹ کے کھیل کے سخت اور محنت طلب اصولوں پر عمل کا نتیجہ ہے کہ میں ثابت قدمی سے ان کا سامنا اور حل کرنے کی کوشش کررہا ہوں۔ چند لمحوں بعد گولف کھیلنے والے رچرڈ ہاس نے کہا کہ گولف کھیلنے والے بھی کم نہیں ہوتے تو عمران خان نے برجستہ جواب دیا کہ گولف تو محض ایک کیک پیس ہے اس پر دوسری بار قہقہہ پڑا اور سنجیدہ علمی محفل میں بلند قہقہے سنائی دینے لگے۔

عمران خان کا لب و لہجہ، دلائل اور موقف مسلسل دو ٹوک رہا جس کے باعث کشمیر اور پاک۔بھارت صورتحال پر سوالات کے بجائے سوالات کرنے والوں نے پاکستان میں خواتین کے حقوق ‘ اقلیتوں سے سلوک‘ چین کے مسلمانوں اور دیگر موضوعات پر سوالات کئے۔

(1115 بار دیکھا گیا)

تبصرے