Qaumi Akhbar
Loading site
قومی اخبار
جمعه 06 دسمبر 2019
LZ_SITE_TITLE
 
New World of Online News

اجنبی شخص چھلانگ لگا کر طیارے پر چڑھ گیا

قومی نیوز بدھ 24 جولائی 2019
اجنبی شخص چھلانگ لگا کر طیارے پر چڑھ گیا

ابوجہ(ویب ڈیسک) نائیجیریا میں مسافر بردار طیارے کے عین ٹیک آف کے وقت ایک اجنبی شخص طیارے کے ونگ پر چھلانگ لگا کر چڑھ گیا جس سے مسافر خوف و ہراس میں مبتلا ہوگئے۔

عالمی خبر رساں ادارے کے مطابق نائیجیریا کے آئیکیجا کے مرتلا محمد ایئرپورٹ پر ازمان ایئر لائن کی پرواز ٹیک آف کرنے ہی والی تھی کہ ایک اجنبی شخص اچانک کہیں سے نمودار ہوا اور چھلانگ لگا کر طیارے کے دائیں بازو پر چڑھ گیا۔

یہ بھی پڑھیں : زیادہ باؤنڈریز پر فتح ، آئی سی سی مذاق بن گیا

اجنبی شخص نے اپنا بیگ، طیارے کے ایک انجن میں پھنسا دیا جس سے طیارے میں موجود مسافروں میں خوف کی لہر دوڑ گئی اور عملے نے بھی سمجھا کہ یہ شخص کوئی حملہ آور ہے۔ سیکیورٹی فورسز کو کال کی گئی۔اجنبی شخص کو انجن کے قریب دیکھ کر پائلٹ نے انجن بند کردیا، سول ایوی ایشن کے عملے کے ارکان کی رن وے پر دوڑیں لگ گئیں۔

اس اجنبی شخص کو گرفتار کرکے مقامی پولیس کے حوالے کردیا گیا جبکہ طیارے کو واپس ڈپارچر لاؤنج پہنچادیا گیا جہاں سے وہ چند گھنٹوں بعد روانہ ہوا۔واضح رہے کہ ایئرپورٹ سیکیورٹی کے معاملے میں نائیجیریا کی شہرت خاصی خراب ہے۔

2017 میں بھی وہاں کے ایک مصروف ہوائی اڈے پر موجود ایک بزنس جیٹ پر ڈاکوؤں نے دھاوا بول دیا تھا اور زبردستی ’کارگو بے‘ کھلوا کر مسافروں کا قیمتی سامان بھی لوٹ کر لے گئے تھے۔

(755 بار دیکھا گیا)

تبصرے