Qaumi Akhbar
Loading site
قومی اخبار
هفته 14 دسمبر 2019
LZ_SITE_TITLE
 
New World of Online News

پاکستانی قیدیوں کی رہائی

قومی نیوز جمعرات 21 فروری 2019
پاکستانی قیدیوں کی رہائی

سعودی ولی عہد شہزادہ محمد بن سلمان کے دورہ پاکستان پر اہل پاکستان کی مسرت دیدنی تھی‘ مگر ان افرادکے اہل خانہ کی خوشیوں کو کیونکر ناپا‘ تولا اور الفاظ میں ڈھالا جاسکتا ہے‘ جوسعودی جیلوں میں قید ہیں اور جنہیں سعودی ولی عہد نے رہائی کا حکم سنایا‘ وزیر اعظم عمران خان نے ان اسیروں کا مقدمہ بطورخاص اٹھایاتھا‘ پاکستان کی تاریخ میں یکبارگی سزا معافی کایہ سب سے بڑا واقعہ ہے‘ ممکن ہے کہ سعودی عرب کی تاریخ کا بھی ‘ چنانچہ آن کی آن میں انسانی ہمدردی کا یہ افضل ترین کارنامہ سوشل میڈیا پر سب سے زیادہ اہمیت کا موضوع بن گیا‘ اس سے قبل جب وزیر اعظم عمران خان نے سعودی عرب میں کام کرنے والے پاکستانیوں کا ذکرکر تے ہوئے ولی عہد محمد بن سلمان سے کہا کہ اپنے گھروں سے دورروزی کمانے والے لوگ ہیں‘مگر کچھ عرصے سے انہیں بعض مسائل کا سامنا ہے تو سعودی ولی عہد کا جواب تھاکہ آپ مجھے سعودی عرب میں پاکستان کا سفیر سمجھیں ‘ شہزادہ محمد بن سلمان کی ان یقین دہانیوں سے اہل پاکستان کے دلو ںمیں سعودی شاہی خاندان کا مقام ومرتبہ اور بڑھ گیاہے‘ اس کے ساتھ ہی امید پیدا ہوئی ہے کہ سعودی عرب میں کام کرنے والے ہمارے پاکستانی بھائیوں کے لیے خصوصی آسانیاں پیدا کی جائیں گی۔

(284 بار دیکھا گیا)

تبصرے