جاپان میں تارکین وطن کے لئے امیگریشن قوانین میں نرمی

ٹوکیو ۔۔۔ جاپان کی پارلیمان نے ایک متنازع قانون کی منظوری دیدی ہے جس کے تحت لاکھوں غیر ملکیوں کو مقامی افراد کی قلت کی وجہ سے شعبہ تعمیرات، زراعت و باغبانی اور نرسنگ میں ملازمتوں کے مواقع فراہم کئے جاسکیں گے۔قانون کے تحت امیگریشن قوانین میں نرمی کی بنیادی وجہ جاپان میں جوان افراد کی تعداد میں کمی ہے۔برطانوی میڈیا رپورٹ کے مطابق آئندہ برس اپریل کے مہینے سے جاپان میں روزگار کے خواہشمند اس نئی پیش رفت سے فائدہ اٹھاسکیں گے۔اس سے قبل سامنے آنے والی رپورٹس میں بتایا گیا تھا کہ جاپان میں شرح پیدائش نہایت قلیل ہونے سے حکومت پریشان ہے ،جبکہ کل آبادی میں عمر رسیدہ جاپانیوں کا تناسب 60 فیصد تک جا پہنچا ہے۔